(ភ្នំពេញ)៖ អាស្រ័យដោយស្ថានភាពនៃការរីករាលដាលនៃជំងឺកូវីដ-១៩ ក្នុងរយៈពេលប៉ុន្មានថ្ងៃចុងក្រោយនេះ មានបងប្អូនអាជីវករ និងប្រជាពលរដ្ឋបានឆ្លងជំងឺកូវីដ-១៩ ក្នុង «ព្រឹត្តិការណ៍សហគមន៍២០កុម្ភៈ» ដែលស្ថានភាពនេះ បានឆ្លងរាលដាលយ៉ាងឆាប់រហ័ស គួរអោយព្រួយបារម្ភ និងចាំបាច់ត្រូវមានវិធានការសុខាភិបាលទប់ស្កាត់ជាបន្ទាន់ ក្នុងនោះដែរ រដ្ឋបាលខណ្ឌពោធិ៍សែនជ័យ នៅថ្ងៃទី ១៩ ខែមេសា ឆ្នាំ២០២១នេះ បានចេញសេចក្តីជូនដំណឹងពីការផ្អាកដំណើរការជាបណ្តោះអាសន្ន នៅផ្សារចំនួន៤ ស្ថិតនៅក្នុងខណ្ឌពោធិ៍សែនជ័យ ចាប់ពីវេលាម៉ោង សូន្យ ថ្ងៃទី ១៩ ខែមេសា ឆ្នាំ២០២១ រហូតដល់ថ្ងៃទី០២ ខែឧសភា ឆ្នាំ២០២១ រយៈពេល១៤ថ្ងៃ។ ផ្សារដែលត្រូវផ្អាកដំណើរការរួមមានៈ ផ្សារសេនជូរីផ្លាហ្សា ផ្សារទួលពង្រ ផ្សារឯករាជ្យ១ និងផ្សារត្រពាំងថ្លឹង។
